طموح مكبوتة الحلقة الحادية عشر

ʚϊɞ ʚϊɞ •.¸الحلقة الحادية عشـرʚϊɞ ʚϊɞ •.¸

وصلنا المرة اللفاتت عند وصول نفيسة ومعـاهـا ((مي)) للاوضة اياها 

واول لـمـا مـي دخلت الاوضـة اتصدمت ,, فقد كانت الاوضة تتكون من 

حيطان سوداء مثل السجن ويوجد بعض الاتربة والحشراات لما مي شافت

كل ده صرخت ,, نفيسة رمتها في الارض ,ومي قامت بسرعة من التراب

والحشرات المرعبة وفضلت تصرخ وتبعد وتنده ع نفيسة وتصوت لكن نفيسـة

مع الاسف كانت طلعـت برا .. فضلت مي علي الحال ده لمدة 4 ايام وبعدها

خرجت تاااني بس مترحمتش من كلااام نفيسة وشتايمها هي والمديرة 

ندي كانت شايفاها بس مش قادرة تعملها حااجة ,, اها ندي بقت ضدها

ومش بتحبها بس صعبانة عليها شوية ,,, مي علي طول مابقتش

بتكلم حد ولا بترد علي حد حاسة انها في كـابـوس ومش قادرة تطلع منه

حاسة ان في حبل ملفوف علي رقبتها مش رااضي يتفك الا بمعجـزة !!!

~
~
~
~
*******************
فريدة كل يوم حالتها بتسوء اكتر من اليوم القبله ,, لحد ما الدكتور طلب انه

يقابل

عــادل تااااني !! وقاله انه اتفق مع الدكتورة(لمياء) انهم هيخرجـوا فريدة بكرة

ان شاء الله لان ميعاد الدكتورة بعد بكرة عشان تلحق ترتاح يعني 

~
~
~
~
********************
صبري وحوريـة صعبان عليهم كلهم  !!

صعبان عليهم مي الميعرفوش مكانها لحد دلوقتي ولا يعرفوا هي عايشة ولا

ميتة ولا ايه البتعملوا ولا حتي عاايشة فيين ,,, صعبان عليهم عادل المش
عارف
يعمل ايه واقف وسط بنته ووسط مراته ووسط نيابة وتحقيق ومحاضر ووسط

والدة ووالد فريدة ووسط نفسه !!

احساسيس كتييير اووي جواهم بس مش في ايديهم غير الدعاء ~~~

~~~~~~~~~~

في اوضة ابلة عنايات ونفيسة المكتب يعني 
~~~~~~~~~~~~~~~~~~~~~~~~~~~~
ابلة عنايات: البت دي عاملة ايه ؟

نفيسة: تقصدي مي ؟

ابلة عنايات: ايوة اومال هيكون امي يعني !!

نفيسة بسخرية: ههههه بتتعلم الادب يا فندم

ابلة عنايات: ماكفاية كده يا بت لتموت مننا

نفيسة بجدية: لاااااااااا لا يمكن مستحييل دي بتتربي والله اهدي بس 

ابلة عنايات: طيب لما اشوف اخرتها روحي شوفي البنات يلااا

نفيسة بقرف: طيب
~
~
~
*********************
اجا يوم ميعاد الدكتور (لمياء),, فريدة مشت معاهم بهدوء وهي في عاالم

تاااني ... فهموها كل حاجة وهي شاردة ومش بترد عليهم المهم وصلوا

لعيادة الدكتور لمياء .. طلعوا وعادل راح يكلم السكرتيرة

عادل: لو سمحتي في حجر باسم فريدة صبري توفيق

السكرتيرة بابتسامة: ايوة يا فندم اتفضلوا استريحوا .. بعد المريض الجوا

بس
عادل: متشكر

السكرتيرة: العفو
~
~
~
بعد ربع ساعة دخلوا للدكتورة لمياء .. ابتسمتلهم وقالت بهدوء: معلش لو سمحت

سبني معاها لوحدنا

عادل:اها طبعا انا مستني بره يا فريدة

فريدة هزت راسها

بعد ماخرج عادل من الاوضة .. ابتسمت لمياء لفريدة وقالت: هاا بقا احكيلي

كل حاجة بالتفصيل

فريدة سااكتة

الدكتورة لمياء: مممم طيب بصي يا فريدة سعات الواحد بييجي عليه فترة

معينة بيبقي حاسس انه عايز يتكلم مع حد لا يعرفنا ولا حتي احنا نعرفه

كلنا ياحبيبتي عندنا مشاكل وازمات وعقد حقيقية ,, سعات بنحاول نتغلب

عليها وسعات منقدرش وتخنقنا ونبقي عايزين نفك الكلاكيع دي ونطلع

كل الجوانا اعتبريني نفسك واتكلمي معاها بصراحة يمكن اقدر اريحك

فريدة بعد كلام الدكتورة حست بارتياح شديد ليها وانها عايزة تتكلم معاها

فضلت صامتة حوالي دقيقتين تقريبا وبعدها اتكلمت: اسمي فريدة صبري

توفيق .. خريجة كلية تجارة,, عندي 27 سنة بعد فترة من علامي وتخرجي

من الكلية .. والدي كان يعرف والد عادل وكانوا صحاب اوي بعد كده

عادل اتقدملـي واتجوزنا بعد 3 شهور من جوازنا اتكشفت اني حامل

ويارتني ماحملت ,, عادل كان بيحاول يخليني مش محتاجة حاجة

خالص بيريحني علي قد ما بيقدر لحد ما اجا يوم الولادة . ولدت طبيعي

اجت بنوتة زي القمر (وبدات تدمع) واسمها مي و.....

الدكتورة لمياء بابتسامة: وقفتي ليه ... انا سمعاكي اتفضلي

فريدة بدموع: اجت مي ونورت عليا الدنيا وملتها عليا ,, مي كانت كل حاجة

في حيااتي ضحكتها لعبها شقاوتها طبيتها جمالها كل حاجة كانت فيها حلوة

لحد ما في يوم .. لحد مافي يوم (وبدات فريدة تعيط)

الدكتور لمياء بتهديها: اهدي يا فريدة كده مش هينفع والله اهدي بس

فريدة بتمسح دموعها: لحد ما في يوم راحت مني .. راحت مني يا دكتورة

راااحت منيييييييييييييييييييييييييييييييي

الدكتورة لميااء اضطرت انها تديلها حقنة مهدئة وبدات فريدة تهدي

شوية وتحاول تتكلم: عارفة يا دكتورة لما تبقي اغلي حاجة عندك راحت

بسهوولة واحتمال مترجعش .. بنتي يا دكتورة بنتي والله بنتي

,, بـدات اتعصب علي عادل جدا واتهمه بضياعها مبقتش عارفة

اعيش من غيرها .. لحد ما في يوم وصلنا خبر ان النيابة لقت مي كانت

فرحتي يا دكتورة ماتتوصفش ابدااا خلاص هترجعلي خلاص اخيرا

بس مش هي يا دكتورة اول لما قلبي النار فيه رحلت رجعت تاني

وهي مصممة متمشيش .. انا مت مرتين يا دكتورة مرة لما راحت مني

ومرة لما قلبي قال رجعت وهي مرجعتش

الدكتورة لمياء: مش يمكن اختبار من ربنا يا فريدة ؟؟

فريدة: اختبار اها وده الكنا انا وعادل بنقوله زمان بس مش كده يا دكتورة

8 شهور بدور علي بنتي ومش لاقياها كل ده اختبار !!

الدكتورة لمياء: عادي ,, ممكن اكتر كمان يا فريدة ممكن سنين ربنا بيختبرك

لاعلي درجة بيشوف قوتك واحتمالك اد ايه

فريدة: بس انا خلاص احتمااالي بقا صعب اووي لكل ده يا دكتورة

دي بنتتتتتي مش حاجة ضايعة مني مش جماااد دي بشر قلبي كل يوم

بيتحرق انتي تقدري انـك بنتك تضيع منك .. طب بلاش دي انتي تقدري

قلبك يفضل محروق 8 شهور من غير رححححمة

الدكتورة لمياء: مهما ماكان يا فريدة لازم نتغلب ونقوي لانك هتشوفي بنتك

هتشوفيها احمدي ربنا انها محصلهاش حاجة .. ضايعة وهتلاقيها صدقيني

بس لما تقوي عشان تعرفي تفكري وتلاقيها ,, عشان لما تلاقيها

تبقي جامدة قدامها

فريدة: متتصوريش انا حسيت براحة لما اتكلمت مع حضرتك ازاي

انا متشكرة جدا

الدكتورة لمياء: علي ايه بس ؟!! ده شغلي .. المهم انا عايزاكي في الجلسة

الجاية تكوني اقوي من كده

فريدة: ان شاء الله .. معلش انا تعبانة ممكن نكمل الجلسة الجاية بقا

الدكتورة لمياء: اها مهو الوقت خلص اصلا ..

فريدة: طب هو ميعاد الجلسة الجاية امتا باذن الله ؟

الدكتورة لمياء: حددي المواعيد مع السكرتيرة بره ي ديدي

فريدة بابتسامة: تمام مع السلامة

الدكتورة لمياء: مع السلامة يا حبيبتي مستنياكي 

فريدة: ان شاء الله
~
~
~
~
~
*******************************************
فريدة روحت البيت وهي حاسة انها عايزة تروح للدكتورة وتحكيلها اكتر

عايزة تتطلع كل الجواها لاي حد .. اقتنعت وبدات تقوي من نفسها بالعافية

وبمساعدة عادل .. كانوا في يوم قاعدين بيتفرجوا علي التلفزيون

لحد ما في حاجة خرجتهم من الكانوا فيه والانسجام

جالهم تليفون ,, عادل : يوووه يعين حبكت الوقتي التليفون

فريدة بابتسامة باهتة: معلش يا عادل رد يمكن يكون في حاجة

مهمة ولا اي حاجة كدا

عادل: حاضر يا ستي 

عادل رد ع التليفون وكانت حورية

وقالتله: الحقني يا عادل !!

~~~~~~~~~~~~~~~
وقفت حلقتنا لحد هنا انتظرونا في الحلقة الجاية عشان نكمل الاحداث
سوا  

لـ #اية_حسام