طموح مكبوتة الحلقة الثانية والعشرون

وصلنا المرة اللفاتت عند :-  ^_^

دكتور عزام بيكلم الـ .....

~~~~~~~~~~~~~~~~~

دكتور عزام: االو

الـ... : الحقني يا بابا في مصيييييبة واجت فوق راسك 

دكتور عزام بخضة: في ايييه يالا؟

الـ .....  : في ناس اجوا الشقة القديمة بتاعتنا وسألوني عنك وهددوني

دكتور عزام قاطعه : استني استني هو انت كنت قاعد في الشقة القديمة ؟!

الـ ... : ايوة يا بابا بس ده مش موضوعنا الناس دي صعبة اووي وهددوني لو

انت مروحتلهمش الليلة مش هيحصل كويس :/

دكتور عزام بقلق: طيب طيب انا هتصرف اقفل انت الوقتي

الـ ... : طيب سلام

دكتور عزام: سلام ياخويا .. ميجيش منك غير المصايب والقرف

جتك البلا في شكلك

وقفل في وشه وهو متضايق ومتنرفز ومتعصب .. بعدين عمل تليفون !!

دكتور عزام: الو

الشخص: اهلا اهلا دكتور عزام بنفسه هنا

دكتور عزام: انت ايه العملته انت ورجالتك دول ؟؟

الشخص ببرود: ههه عملت ايه يعني ؟؟ ما انت مختفي بقالك شهور ومبتسألش

قولت انا اسأل بقا

دكتور عزام: استناني الليلة في المكان بتاعنا .. سلام

الشخص: مستنيك يا كبيير ,, سلام

~
~
~
******************************************

ندي وسمية :-
************

ندي: تعرفي نفسي اشوف مين الوقتي يا سمسم ؟

سمية: اه ,, اكيد مي

ندي: ايووة بجد نفسي اعرف هي فين الوقتي وقلقانة عليها جداا

سمية: ربنا معاها يا ندي .. والله وانا كمان نفسي اشوفها اشتقت لأيامها اووي

ندي: ياارب تكون رجعت لأهلها .. بس انتي متعرفيش نفيسة مجتش ليه النهاردة ؟

سمية: لاء ,, انا برضه مستغربة زيك واكتر .. ما تيجي نسأل عنايات

ندي: لااء انا خايفة

سمية: انا بقا مبقتش بخاف .. اصلا هتخافي من ايه ؟ ما احنا اتعودنا خلاص اصلا

انا راحة اسألها

ندي: بلااش يا سمية

سمية بنرفزة: انا قولت هروح الله !!

ندي: براحتكـ

~
~
~

سمية راحت لعنايات وخبطت ....

عنايات من جوه : ادخل

سمية: ازيك يا ابلة ؟

عنايات: هو انتي ياختي ؟؟ انا بحسبك نفيسة

سمية: اه ماهو انا جاية عشان كده .. حضرتك متعرفيش ابلة نفيسة

مجتش النهاردة ليه ؟!

عنايات: وهعرف منين ياختي ؟؟ بشم علي ضهر ايدي ولا بشم علي ضهر ايدي

سمية: لالا مش قصدي يا ابلة .. حضرتك عايزاني اعملك حاجة ؟

عنايات: لا يا ماما يلا روحي من وشي انا مصدعة

سمية: حاضر

وخرجت سمية وهي متضايقة  وبتكلم نفسها: يا باي ايه القرف ده بقا

هوا لواحد يكلمها كويس وباحترام تكلمه بالاسلوب ده ياارب توب علينا

بقا من العيشة المعفنة دي يااارب

ندي اجتلها: مالك يا سمية .. انتي بتكلمي نفسك يا بنتي ؟

سمية: اه ياختي ماهو من الانا فيه .. الواحد يكلمها كويس تديله وش اعوذ بالله -_-

ندي: مش انا قولتلك

سمية: خلاص خلاص بقا قفلي عن السيرة دي .. بس انا بقا مش هرتاح غير

لما اعرف نفيسة راحت فين

ندي: طيب انا هروح اشوف شغلي بقا سلام اشوفك بليل

سمية : طيب سلااام :/ :/

~
~
~
عند مي في الملجأ الجديد :-

~~~~~~~~~~~~~~~~~

شريفة جاية ليهم في الاوضة: اجهزوا عايزة الملجأ يبرق يبرق كده

اميرة: ليه يا ابلة ؟؟

شريفة: عشان ياختي في ضيوف جايين لينا ,, وهنعمل زفت حفلة كمان

مي: بجد ؟؟ هييييييييييييييييه

شريفة: انتي يا حيوانة .. اخرسي خالص جتك القرف

ومشت نفيسة وهي متعصبة من مـي

بعد ما مشت ,, مي: هو انا عملتلها حاجة يا اميرة ؟؟

اميرة بحزن: معلش يا حبيبتي هي كده علي طوول ,, ساعة الحفلات بتقلب

دايما وبتزعق وبتشخط

مي: طيب ,, هو احنا هنعمل ايه في الحفلة دي يا ميرو ؟

اميرة: مش هنعمل حاجة يا مي هما هييجوا ضيوف يزورونا ,, اها بس استني

لو قولتي اي حاجة من البيحصل فينا هنا هتبقي مصيبة دول حتي هيطلعوا

البطانين الجديدة وهنمسح وكل حاجة عشان يبينوا بقا اننا نضاف اووي وانهم

بيدفعوا من جيبهم .. يلا ربنا علي الظالم والمفتري ,, بس اهم حاجة تكوني فهمتي

كلامي .. ماشي يا مي ؟؟

مي بفرحة: ماشي ماشي اهم حاجة ان هيكون في حفلللة هييه

اميرة: هههه طيب ياختي يلا بقا ساعديني

مي: ماشي

*
*
*
**********************************

نفيسة من جوه الاوضة .. محبوسة :-

******************************

نفيسة بتزعق: افتح الباب ده افتحليييييييييييييييييييييييييي

جوزها من بره: اتربيتي ولا لسة ؟؟

نفيسة بعياط وعصبية: اففففففففففففتح يا جباااان ,, افتح بقاااا انا تعببببت

جوزها: لا خليكي كده لحد بكرة اهو الواحد يرتاح برضه شووية

نفيسة: قولتلك افتتتتتح

جوزها: قوولت لاء ,, وبعد شوية نفيسة سمعت صوت باب بيتقفل

زفرت بضيق: ورحمة امي مانا سيباك انا هقتلك هقتللللك مش انا اليتعمل فيا

كدددددددددددده

*
*
*
فريدة داخلة لعادل الاوضة :-

ــــــــــــــــــــــــــــــــــــــــــــــ

فريدة: عادل .. انا اسفة

عادل بابتسامة: محصلش حاجة يا فريدة .. حصل خير

فريدة: انا هتغير يا عادل والله انا اوعدك هحاول انسي مي شوية عشان خاطرك

وخاطر ليان ومحمد ^_^ <3

عادل بفرحة: بجددد يا فريدة .. ربنا يخليكي لياا ياارب <3

فريدة: ويخليك ليا يا عادل J

وشوية وسمعوا صوت عيااط وصويت :D

عادل بضحك: هههههه شايفة العيااال صحوا اهوو جايين ينكدوا علينا الحياة :D

فريدة: ههههه معلش انا هروح اشوفهم

عادل بابتسامة: ههه ماشي

*
*
*
حورية قاعدة بتقرأ قران في اوضتها وبعدين افتكرت حلم ((صبري))

فقالت: ياارب متكونش زعلانة مني يا صبري ,, خلاص الحمد لله ليان ومحمد

اجوا ونورا الدنيا والله انا ندمانة وهفضل طول حيااتي دي كلها ندمانة مش عايزة

منك غير السماح ده ربنا بيسامح يبقي العبيد مش هيسامح :))

انا خايفة تكون الوقتي بتكرهني يا صبري :/ سامحني ساامحني

~
~
~
عنايات وعباس:-
***************

عنايات وهي بتتعشي :D : ايه اخبار الشحنة ؟

عباس: اهوو بنظبط الدنيا فاضل 3 ايام وتدخل هناا وهنتروق بقا

ونعيش حلاوة

عنايات بفرحة: ياارب ياخويا ياارب لحسن قرفت من الفقر

عباس: متخافيش يا عنايات انا هروقك وهخليكي البتاعة البيقولوا عليها دي

نانسي عجرم  :D :D

عنايات بتكبر: هههههه لا ياخويا انا احلي منها كده

عباس في سره: مش بااين

عنايات: بتقول حاجة يا بيسو ؟

عباس: لا يا حبيبتي مش بقول حاجة .. انا هقوم اغسل ايدي

عنايات بابتسامة مصطنعة: هههه ماشي .. بالهنا والشفاا

~
~
~
~

نفيسة قررت تعمل حاجة هنعرفها كمان شوية J

جوزها اجا وهي سمعت صوت فتح الباب فأتكلمت من جوه وقالت: افتحلي بقا

انا خلاص ندمانة وعمري ما هزعلك ابدا ياحبيبي

جوزها: بجد ؟؟ انا فرحان انك اتعدلتي .. حاضر هفتحلك اهوو

وطلع المفتاح بتاع الاوضة ورااح عشان يفتح لنفيسة ,, ومكنش يعرف

ايه الهيحصله  !! J

جوزها بعد ما فتح: ااهو انا فتحتلك هدخل المطبخ اشرب بس واجيلك

نفيسة بفرحة: مااشي J J

جوزها داخل المطبخ مدي ضهره للحيطة الورا وبيشرب مياه

نفيسة اجت من غير ما يحس من وراه .. ولمحت سكينة ,, مسكـتها

خطوات رجليها بتقرب لـ جوزها ... السكينة بتقرب من ضهر جوزها

و................................. :D :P

وانتهت حلقتنا لحد هنا النهاردة .. استنونا الحلقة القادمة عشان نعرف ايه

الحصل ^_^ .. كومنتات عشان اعرف رايكم لو سمحتم :))

لـ #اية_حسام