.• ʚϊɞ ʚϊɞالحلقة التاسعة والعشرون.• ʚϊɞ ʚϊɞ
مي واميرة قبل ما يناموا :-
~~~~~~~~~~~~~~~
مي قالت لـ اميرة: انا عايزة اخود رأيك في حاجة
وبصراحة خايفة لز عملتها يبقي النتيجة مش كويسة ونرجع للأول تاني مع اني
مفتكرش اوي بس خايفة والله جداا
اميرة: قلقتيني يا مي .. اوعي تكوني بتفكري تهربي ولا تقوليلها تهربك ؟!!
مي: لاا اهرب اروح فين وبعدين احنا بقينا كويسين وابلة سوزي حنينة علينا اوي
اميرة: يبقي ايه الموضوع طيب قلقتيني ؟
مي: لا متخافيش هو موضوع مهم بس مش عارفة بقي بصي انا هقولك وخلاص
وانتي قوليلي اعمل ايه ماشي ؟
اميرة: ماشي .. قوليي بقي يا ميوية ؟
مي: انا بفكر اقول لـ ابلة سوزي تخرجنا شوية .. اصل احنا بقالنا كتييير اووي
مخرجناش ,, دانا نسيت شكل الشارع اصلا هههههه
اميرة: هههههه انا بقي فكراه لاني عشت فيه كتيير اووي يا بنتي عموما بلاش
لحسن تزعل ولا تكون مش فاضية وتتكسف تكلمنا بعد كده لحسن نفاتحها في
الموضوع تاني يعني .. خلينا كده وخلاص ولا ولا اقولك ممكن نلمحلها
انما مش هنقول مباشرة كده
مي: يعني ايه مباشرة؟!
اميرة: هههههههههه يعني علي طول ياختي .. المهم ماشي ؟
مـي: ماااشي يا جمييييييل
*
*
*
وتاني يوم الصبح فعلا الراجـل اجه لعنايات وبعد ما فتحتله وهزأته دخل في
الموضوع وقال: هاا الفلوس جاهزة ؟
عنايات بخوف وترقب: ايه ؟؟ لا لا يا خويا مفيس فلوس ولا زفت بقي اللي عندك
اعمله هه لو ده كان عندك حاجة اصلا
الراجل بعصبية مش واضحة: تؤتؤتؤ كده هتزعليني منك يا ست الكل انتي
ومسكها من شعرها .. ادته بالقلم وقالت: يا زبالة يا حيواان انا هوريك بقي
بتضربني انا طب والله لأعلم عليك ودخلت المطبخ جابت حبل بس لما طلعت
ملقتوش موجود قالت: انا غبيييييييبة
الوقتي ممكن يروح ويعترف عليا ؟ يا مصيبتي يا مصيبتي اعمل اييه الوقتي ؟؟
واجيب الزفت ده منين بس
وبعد شوية لقت جرس الباب بيرن وكان البوليس: انتي السيدة عنايات .... ؟
عنايات برعب: ا ايوة يا بيه
_ اتفضلي معانا لو سمحتي
عنايات: ليه يا باشا انا عملت ايه ؟
_ في القسم هتعرفي .. وبزعيق: اتفضللي
عنايات: حاضر يا بيه حااضر
*
*
*
وفعلا عنايات راحت مع البولـيس وهناك الظابط خلاها تواجـه الراجل اللي عمل
موضوع سمية وجها لوجه قدامه بالطبع .. عنايات كانت مرعوبة كده بس انكرت
اللي حصل .. وطبعا عشان المحضر والتحقيق يبقي بجد الظابط استدعي بنات
كتير جدا من الملجأ واجه دور ندي وفي الليلة دي كانـت ندي مرعوبة وبتعيط
وكمان لما عرفت الموضوع كله خافت لتكون سمية حصل فيها كده فعلا
وفريدة كانت معاها ومروحت وباتت في الملجأ واعتذرت لعادل وهو كان متقبل
الموضوع ده ومفيش مشاكـل عنده نهائيا ,, لان كل حاجة بثوابها برضه
فريدة: متخافيش يا حبيبتي .. متخافيش
نـدي: اهئ اهئ لا انا خايفة اووي ومش عايزة اقعد هنا حاسة اني هموت
الووقتي هتقتلي الست الوحشة ديه
فريدة صعبت عليها جداا: يا حبيبتي .. طب قومي معايا هنروح عندي البيت
ندي باستغراب وخضة: ليه ؟ لا انا خايفة
فريدة: ههههه تخافي من ايه بس يا نودي انتي هتقعدي معايا عشان الخوف اللي
انتي فيه ده بس ,, و كمان بابا عادل بيحبك اووي وبيموت فيكي وعشان تلعبي بقي
مع ليان وحمودي
ندي بفرحة بسيطة لانها خايفة: ماشي يلا بينا
فريدة : يلا يا جمييل
~
~
~
وصلت فريدة البيت وطبعا كان معاها ندي .. عادل اول ما شاف فريدة قال: حمد
الله علي السلامة يا حبيبتي
وبعدين شاف ندي اتخض واتفاجئ واستغرب !! وقال: احم احم ندي ؟!!
ازيك ؟
ندي بخوف: الحمد لله يا عمو
فريدة: عمو ايه بس اسمه بابا
متفتكروش بقي ان عادي زعل وكده تؤ تؤ تؤ عادل فرح جداا
عادل: طبعا بابا .. نورتي البيت يا ندي
ندي: شكرا يا بابا
فريدة نيمت ندي في اوضة مي .. ودخلت الاوضة مع عادل وطبعا سألها اشمعني
اجت معاكي وكده وهي قالتله وفهمته الموضوع كله من اوله لأخره .. قلق في
الاول عشان موضوع جريمة القتل دي .. والموضوع عدي
ومن ناحية تانية .. ندي داخلة اوضة مي اول ما شافت الجمال بتاعها والعرايس
الحلوين جداا (اللي انا عايزاهم :D) فرحت اووي لدرجة انها قضت ساعتين بحالهم
عمالة تلعب ومن التعب نامت وهي حاضنة كذا عروسة في حضنها وبتدلعهم بس
نيمتهم الاول وبعدين نامت
والصبـح فريدة اخدت نـدي وودتها القسم وهناك تم مواجهة ندي وعنايات:-
**************************
الظابـط: ايه الحصل بالظبط يا ندي ؟ احكي ومتخافيش من اي حد
ندي بخوف وعلي وشك العياط: انا كنت قاعـدة انا وسمية اهئ اهئ
وبعدين قالتلي هتروح تسأل عنايات علي مين هيشتري الملجأ وبعدين لما راحت
اختفت وملقتيهاش اجت تاني ومن ساعتها وانا مشوفتهاش والله يا عمو باشا
الظابط ضحك ضحكة علي ندي وقال بجدية: اظن كده يا عنايات كل الدلائل
متوجهة ضدك يعني احسنلك تعترفي .. اعترفي يا عنايات احسن ما
تشوفي الوش
الاحمراني
عنايات برعب وبتلقائية اعترفت علي كل حاجة : انا قتلتها .. قتلتها
الظابط باهتمام وترقب: قتلتيها ليه ؟؟ قولي عشان نخفف عنك الحكم
عنايات: عشان سمية الحيوانة دييي سمعتني وانا بكلم عباس وبقوله ع العملية
بتاع الشحنة المتهربة المخدرااااااااات
االظابط بيفتكر تحقيق نفيسة: هو انتي ؟؟ ازاي تاهت مني انتي عنايات ؟؟
ايووة انتي تعرفي نفيسة صح ؟
عنايات: ايوة وش انحس والبومة والجحشة الهي ياارب تموت ما ترجع
الظابط بيجمع كل الاحداث في دماغه وبعدين قال: طيب طيب خدها يا بني ع
الحجز فورااا
*
*
*
في اليوم التاني بتاع العملية بتاعت المخدرات .. عنايات ونفيسة في السجن
وهيتعرضوا بكرة علي النيابة ... عباس كلم الرجالة وجهزوا كل حاجة بقت تماام
واجه الوقت المحدد .. الظابط جهز كل حاجة مع اللوي رأفت
وفي الوقت والمكان :-
******************
الراجل اللي بيجيب لعباس المخدرات: كده تمام يا عباس ؟
عباس: تمام يا معلم .. الفلوس فين ؟؟
الراجل عمل حركة لرجالته عشان يدوا لعباس الفلوس
عباس اخد الفلوس وقعد يعدها
الراجل: هتعد 5 مليون الوقتتي ؟؟
عباس: اه يا بيه الحق حق .. والحق ميزعلش برضك ولا ايه ؟
الراجل: افف طيب
عباس بعد ما خلص عد الفلوس في نص ساعة ..
الراجل: انقل الشحنة يا بني
الظابط من برا: القوات تجهز .. هنهجم حالااا
ولسة هيفتحوا الشحنة وينقلوها .. لقوا الباب اتفتح واالبوليس دخل عليهم
: سلم نفسك يا متبوولي اخيرا وقعت في ادينا ههه لا ومعاك عباس كمان
اقبضوا عليهممممممم
وتم القبض علي الريس متبولي وشركائه في الجريمة مع عباس بالطبع ..
والشحنة بقت في ايد البوليس قبل ما تتسلم ..
*
*
*
عنايات ونفيسة في زنزانة واحدة .. بيتكلموا مع بعض :-
**************************
نفيسة بندم: تفتكري الحصل لينا ده ليه ؟؟
عنايات بصتلها ومردتش
نفيسة: هه مبترديش عليا ؟!! محسساني انك ملايكة دانتي كل المصايب
دي اجت من تحت دماغـك
عنايات اتعصبت: انتي تخرررسي خاالص مش عايزة اسمع صوتك
نفيسة بهدوء ودموع: عارفة كل الحصلنا ده ليه ؟ ذنب مي
مي اللي كان ممكن نوديها لأهلها بسهولة بس انتي اللي مكنتش عايزانا نعمل
كده تحبي افكرك زمان لما قولتيلي نخليها عندنا ونكسب فلوس اكتر للتبرعات
عشان الملجأ يبقي كبير والتبرعات تزييد .. هه بس ياتري انتي كان قصدك
تبرعاتنا ولا تبرعات البنات ؟؟
عنايات بكسرة: أ أ انا محدش يقدر يهزمني واقدر اعمل كل حااجة والمصيبة دي
ان ان انا هخرج منها بسهولة
نفيسة: حتي مش هاين عليكي تقولي ان شاء الله .. حسبي الله ونعم الوكيل
فيا وفيكي وفي كل ظالم يا شيخة مننا لله !!!!
عنايات: انتي تدعي ع نفسك انما انا لاااء .. انا متهزمش ولا اتكسر ابدااا
نفيسة بصلتها بصة عتاب وقرف وسكتت
~
~
~
عباس وعم متبولي والباقي اتحجزوا في السجن لان عرضهم علي النيابة
هيبقي بكرة ان شاء الله بس مش هما بس .. هما وعنايات ونفيسة وبركات
~
~
~
مي واميرة داخلين علي مكتب سوزي بعد ما طلبت انهم ييجوا عندها
مي داخلة متوترة وخايفة من اللي هتقوله .. وفجأة سوزي قالت: تعالوا يا بنات
اقعدوا هنا
اميرة: اومال سلمي فين يا ماما ؟؟
سوزي: سلمي في التاولت يا حبيبتي .. ايه رأيكوا نخرج النهاردة ؟؟
مي واميرة بصوا لبعض وهما مستغربين وفرحانين جدا في نفس الوقت
مي: ايه ؟!! نخرج نروح فين طيب ؟؟
سوزي: ممممم هنروح الملاهي انا وانتي واميرة وسلمي ايه رأيك ؟
مي: الملاهي ؟!! لاء لاء
سوزي: ليه بس متخافيش يا مي انا معاكي
اميرة غمزت لـ مي انها تعدي الموضوع
مي قامت بتلقائية وقعد في حضن سوزي وهي فرحاانة وباستها من خدها
كذا مرة وسوزي دمعت لانها قدرت تفرح البنات دي
وفجأة طلعت سلمي من الحمام وجرت علي اميرة وسوزي وباستهم وقعدوا
يلعبوا بعد ما اتفقوا ان سوزي هتخلص شغلها وهينزلوا يروحوا الملاهي
مع بعض .. وفعلا سوزي خلصت شغلها وراحت الملاهي وهناك
ركبت مـع مي واميرة وسلمي وقعدوا يتمرجحوا كتير اووي .. وبعدين
ركبوا المرجيحة اللي علي شكل الحصان ومي هي اللي اختارت اللعبة دي
بعد ما اطمنت عشان سوزي معاها .. وفي نفس الوقت ده رن تليفون سوزي
فبعدت مسافات عن مي وردت علي التليفون :-
********************
سوزي: ازيك يا فيري عاملة ايه ؟
فريدة: الحمد لله يا سوزي .. بقولك ماتخرجي البنات اللي معاكي شوية ونتقابل
سوزي: لا دانا مخرجاهم من الصبح في الملاهي وتعبوا مش هيقدروا يروحوا
اماكن تانية .. انتي فين ؟!!
فريدة: انا في الحديقة .. خلاص مرة تانية بقي ان شاء الله سلام يا جميل
عشان معطلكيش
سوزي: اووك سلام
وبعدها عماد زوج سوزي كلمها :-
**************************
سوزي: ايوة يا عماد .. معلش هكلمك تاني عشان معايا البنات بس
عماد: مي واميرة صح ؟!!
سوزي: اه عرفت منين ؟!!
عماد: روحت الملجأ يا سوزي .. ينفع كده انا مش قولتلك متفرقيش ما بين حد من
البنات .. اشمعني تاخدي اتنين بس منهم !!
سوزي بندم بعد ما اخدت بالها: انا اسفة عندك حق .. انا هرجع بيهم حالاا
عماد: طيب يا سوزي لما نروح هنتكلم سلام
سوزي بحزن: سلام
واخدت مي واميرة ومعاها سلمي وروحتهم ورجعت البيت مع سلمي بس .. اول ما
دخلت البيت لقت ..........................
~
~
~
شركاء عم متبولي اتحكم عليهم بمؤبد .. والوقتي قدامنا عباس وعم متبولي
وبركات ونفيسة وعنايات واقفين في القفص جمب بعض منتظرين الحكم
بس الحكم في الدنيا .. مش في الاخرة ~
مـــحــكمة ... كلوا قام يقف .. وبعد ما قعدوا .. وطبعا مكنش ليهم محاميين
لان مش معاهم فللوس .. كان في محامي واحد بس لـ عم متبولي وطبعا
هو ندل
فعشان كده موكلش لحد الا هو بس .. وبعد اقوال المحامي .. وبعد ما جابوا
ندي يعني بعد اقوال الشهود .. القاضي قال: حكمت المحكمة حضورياً علي
المتهم عباس عبد الحي بـ ......................
حكمت المحكمة حضوريا علي المتهم متبولي السيد متبولي بـ .......... :P
حكمت المحكمة حضوريا علي المتهم بركات عبد العزيز بـ ..........
حكمت المحكمة حضوريا علي المتهمة عنايات السيد بـ .............
حكمت المحكمة حضوريا علي المتهمة نفيسة محمود علي بـ .........
ووقفت حلقتنا لحد هنا النهاردة انتظرونا الحلقة الجاية
ان شاء الله عشان نكمل الاحداث
لـ #اية_حسام
ليست هناك تعليقات:
إرسال تعليق