طموح مكبوتة الحلقة الخامسة والعشرون

¸.• ʚϊɞ ʚϊɞالحلقة الخامسة والعشرون¸.• ʚϊɞ ʚϊɞ

وصلنا المرة اللي فاتت عند:-
************************
بعد ما نفيسة اتوضبت دخلت ع الظابط ووشها في اثار للدم .. والتعذيب والضرب

قعدت بالعافية علي الكرسي

الظابط بانتصار: هاا ؟ هتعترفي ولا لسة مصممة ؟

نفيسة: هعترف يا بيه وكمان عندي معلومات تهمك اووي بس سبوني اطلع
من هنا !!

الظابط: هههه لما نشوف المعلومات العندك دي الاول وممكن نخفف عليكي
الحكم .. انطقي خلينا نخلص

نفيسة:بص يا بيه انا اللي قتلت جوزي صحيح وسجل كده وانا بعترف علي نفسي

انا مجرمة وقتلته لكن انا عملت كده عشان ارحم الناس من شره وفي نفس
الوقت
عشان انا محدش ينتصر عليا ويحبسني ده مستحيييل

الظابط: استني استني انتي بتقوليلي ترحمي الناس من شره ؟!!

نفيسة: ا ا اييوة يا بيه

الظابط: طب ازاي وهو كان بيعمل حاجة ولا ايه ماتفهميني عدل يا ست انتي ؟

نفيسة: حاضر حاضر يا باشا .. انا من كام يوم سمعته وهو بيتكلم في التليفون
مع جوز عنايات

الظابط: ومين عنايات دي كمان ؟!!

نفيسة: دي مديرة الملجأ الانا بشتغل فيه بس ست شرانية وكده المهم بس يا بيه

انا بقي بعد ما سمعت الحوار استنتجت يعني ان في#شحنة_مخدرات

هتتهرب في المينا كمان يوم الخميس اللي جاي .../....

الظابط: اييه ؟ ده كده مفيش وقت !! طب كملي كملي

نفيسة: انا بقي لما سمعت كده اتخضيت اوي يا بيه والله .. وبعدين اصلا عنايات

دي شرانية اووي وبتعمل عمايل في الملجأ و وانا كمان معاها بس ع خفيف يعني

بس جوزها شراني اكتر منها بكتير بس هي بقي ممشياه زي العجين كده خاتم
في صباعها اصلا .. الله يكرمك يا بيه خدني شاهد مالك 

الظابط: شاهد مالك ايه يا ست انتي اسمها شاهد ملك

نفيسة: اي حاجة بقي يا بيه المهم اخلص الله يسترك

الظابط: طيب طيب .. انت يا بني رجعها الحجز

نفيسة: يا بيه بالله عليك انا قولت كل اللي عنددي

الظابط مردش ومشي !! راح علي مكتب اللوي#رأفت_محمود ودار الحوار :-
***************
الظابط: ازيك يا فندم ؟

رأفت: اهلا اهلا بأكفا ظابط عندي في الداخلية كلها

الظابط: ههه ربنا يخليك يا فندم انا بس كان عندي اخبار مهمة لازم اقولها
لحضرتك لو سمحتلي

رأفت : طبعا يا حضرت الظابط .. اتفضل

((الظابط حكاله كل حاجة عن نفيسة وكلامها بالتأكيد) 

رأفت: ياااااااه كل ده !! قبل الميعاد تاخود القوات الانتا عايزهم وتهجموا علي الناس

دي ونخلص بقي  وبالنسبة لنفيسة دي ممكن تخفيف علي الحكم انما مش هتطلع

الظابط: تحت امرك يا فندم .. متشكر جدا لحضرتك

رأفت: العفو يا حضرت الظابط ..

الظابط: عن اذنك

رأفت: مع السلامة
~
~
~
فريدة وعادل في الصالون 
***********************
فريدة: يعني مش هينفع ؟

عادل: معلش يا فريدة بصي احنا هندور علي اي ملجأ تاني ونشتريه . ماشي ؟

فريدة بفرحة: ماااشي انا موااافقة يا عادل

عادل: خلاص بكرة ان شاء الله او بعده بالكتير هكون وصلت وهقولك

فريدة: ماشي .. يلا نقوم نتغدا بقي

عادل: يلا لحسن انا جعان اووي .. هي طنط فين ؟

فريدة: نايمة اتغدت قبلنا ونامت .. يلا بقي

عادل: ماشي يلا ^^
*
*
*
اميرة ومي في الملجأ الجديد :-
*************************
اميرة: الحقي الحقي يا مي

مي: ايه في ايه ؟؟؟

اميرة: البنات دايرين بيقولوا ان في واحدة اسمها نفيسة قتلت جوزها 

مي اول ما سمعت اسم نفيسة اتنفضت ورجعت لورا وهي بتقول: عايزة
اشوف الصو
رة
اميرة:طيب اهدي بس انا هقوم اجيب الجرنان من اي بنت وخلاص

مي: طيب

اميرة رجعت ومعاها الجرنان: اهيه امسكي

مي شافت الصورة وقالت بصدمة: دي هي يا اميرة 

اميرة: هي مين ؟ انتي تعرفيها ؟!!

مي: هي دي اللي كانت في الملجأ القديم يا اميرة 

اميرة: ايه ؟ انتي متأكدة ؟!!

مي: ايوة والله هي انا متأكدة من شكلها

اميرة: ملناش دعوة بقـي .. المهم نمتي كويس النهاردة يا قمرتي ؟

مي: هههه اها الحمد لله بس حلمت بماما وبابا 

اميرة: يا حبيبتي حلمتي بايه ؟!

مي: عادي حلمت انهم قاعدين وبيتكلموا عليا وانهم نفسهم يشوفوني 

اميرة: ممكن اسألك سؤال يا مي ؟

مي: اها اكيد قولي قوولي 
اميرة: لو ان شاء االله يعني رجعتي لأهلك هتنسيني ؟

مي: لا طبعا يا اميرة انا هاخدك معايا وهعملك بيت كبببببير اوي ليكي لوحدك

اميرة قامت وحضنتها وهي بتدمع دموع الفرحة
*
*
*
سمية وندي في الاوضة:-
*********************
سمية: شوفتي يا ندي نفيسة اللي طلعت قتلت جوزها 

ندي: والله كنت حاسة بس كنت بكدب احساسي

سمية: وتكدبي احساسك ليه ؟ هي مجرمة وممكن تعمل اكتر من كده كمان

ندي: طب تفتكري مين اللي هتبقي المشرفة بتاعت الملجأ دلوقتي

ولسة هيتكلموا لقوا عنايات جاية عليهم وبتقول: انا هبيع الملجأ .. وشه نحس

وقرف عليا .. وع حسب بقي ناس هتاخده وتعمله ملجأ ليها او هتعمله حاجة

تانية وانا مش مسئولة عن حد فيكوا .. سامعين ؟؟ ومشت

وقتها ندي خافت اووي وعيطت وسمية بتهديها وبتقولها: يارب يا ندي لو عملوا

ملجأ تاني الناس يبقوا كويسين معانا .. اويقلبوه واهو نخلص من الهم والعذاب

اللي احنا فيه ده بقي يااربي 

ندي براحة الي حد ما: الحمد لله .. يارب يكون كده فعلا بس لو قلبوه حاجة تانية

احنا هنروح فين وهنعمل ايه ؟!

سمية: متفكريش في حاجة خالص دلوقتي يا ندي لو سمحتي اهدي خاالص

ومتفكريش في حاجة ماشي ؟

ندي: ماشي .. ياتري مي عاملة ايه ؟! 

سمية: ياااه مي وحشتني اوووووووي يا ندي ربنا معاها ياارب

*******************************
عنايات وعباس بليل في البيت :-
~~~~~~~~~~~~~~~~~
عباس: بقولك ايه انا مسافر يومين وهاجي قبل الميعاد بيوم عايزك

تتابعي مع الرجالة ماشي ؟

عنايات: طيب الا صحيح هو نصيب جوز نفيسة هيروح فين ؟ اوعي يكون ليها

عباس: لا هي في السجن الوقتي يا ذكية .. واحنا هناخود نصيبها  وبعدين

هي اصلا متعرفش حاجة عن الموضوع ده

عنايات: ايوة كده يا بيسوووو لولولولولولولي  

عباس: اهم حاجة الوقتي عشان الموضوع يمشي تمام وزي الفل انا الوقتي

هديكي ارقام الرجالة كلهم وانتي هتتابعي معاهم .. (وطلع ورقة من جيبه)

وقال: اهيه خدي الورقة دي فيها كل الارقام , وقومي الوقتي بقي خشي
حضريلي

الهدوم عشان السفر

عنايات: انت مسافر فين صحيح ياخويا ؟

عباس: مسافر عشان اتابع مع الرجالة الجامديين اوي وبعدين

انتي مالك اصلااا!! وبزعيق: ققوومي يلاا

عنايات: طب ياخويا متزعقش .. الله !!

*
*
*
حورية دخلت علي فريدة الاوضة :-
******************************
حورية: سامحيني يا بنتي .. انا غلطت والله وندمانة .. سامحيني عشان ابوكي

يسامحني ابوس ايدك سامحيني (وعيطت بحرقة)

فريدة رق قلبها: اهدي يا ماما .. انا مش زعلانة منك انتي امي واكيد كان تفكيرك

ده عشان مصلحتي من وجهة نظرك طبعا ,, خلاص يا ماما انا مسمحاكي وبابا
كمان هيسامحك متخافيش

حورية: ياااااااااارب ..

ولقوا عادل داخل عليهم وبعد السلامات قال: بصي يا فريدة انا وصلت لمجأ

معروض للبيع بس في حاجة

فريدة: حاجة ايه ي عادل ؟!! قلقتني

عادل: بصي المشرفة اللي كانت فيه نفيسة اللي هي قتلت جوزها

حورية: اه صحيح انا شوفت الخبر الصبح .. لا يا عادل بلاش لحسن يحصل
حاجة

فريدة: هيحصل ايه يا ماما وبعدين احنا مالنا داحنا هناخود الملجأ ونوضبه

احسن توضيب وناخود ثواب في البنات اللي هناك دول

عادل: خلاص يعني اروح هناك بكرة بليل كده واظبط ماشي ؟

فريدة: ماشي يا عادل .. علي البركة 
~
~
~
في اليوم التاني .. سمية وندي بيتكلموا لحد ما سمية قالت: انا هقوم ادخل لعنايات

يمكن نفهم حاجة بدل الحيرة اللي احنا فيها دي يا نـدي

ندي: طب هاجي معاكي . ماشي ؟!

سمية: لا انا هدخل بسرعة واجي مش هتأخر

ندي: طيب ماشي
*
*
*
وسمية قامت ولسة هتدخل علي عنايات سمعتها بتقول: يعني الشحنة هتدخل

كمان 3 ايام .. 3 ولا 4 ؟ طيب ماشي 3 ايام وهتدخل .. لالا انا هتابع معاكوا

اوعبال ما عباس ييجي من السفر ,, ويارب شحنة الزفت المخدرات دي
تدخل

ونخلص بقي ,, ماشي يا معلم .. يلا سلام

سمية خافت اووي بس اتجرأت وقالت هتواجه عنايات باللي سمعته عشان هي

قررت انها مش هتكست ع اي ظلم هتشوفه وكمان مش فاهمة الشحنة دي

هتئذي البنات اللي هنا ولا ايه بالظبط !!

دخلت سمية وقفلت الباب وراها وهي بتقول لعنايات: هو هو اللي انا سمعته

ده صح يا ابلة ؟

عنايات بخوف وبتبرق: سمعتي ايه يا حيوانة ؟!

سمية بدموع وعلي وشك العياط بس مسحت بسرعة دموعها عشان متبينش ضعفها

قصاد عنايات وقالت: شحنة المخدرات دي مــ

ولسة ملحقتش تكمل جملتها لقت عنايات بتجري عليها بسرعة وموجهة

ايديها ناحيتها برعب .. وسمية بترجع لورا وعنايات خلاص هتوصلها

و.............................................................

وانتهت حلقتنا لحد هنا النهاردة ,, انتظرونا الحلقة الجاية عشان نكمل الاحداث  .

لـ/#اية_حسام