طموح مكبوتة الحلقة الثامنة والعشرون

.• ʚϊɞ ʚϊɞالحلقة الثامنة والعشرون.• ʚϊɞ ʚϊɞ
فريدة بفرحة: سوووزي ازيك يا قمر .. عملتي اييه فـ

مقدرتش تكمل الجملة لما سمعت سوزي بتقول: الحقييني يا فريدة تعاالي بسرررعة

فريدة بخضة: في اييه يا سوزززي ردي علياااااا في ايييه ؟!!

سوزي بعياط: انا اصلي لوحدي وعماد مش معايا وسلمي تعبانة وبتصوت وانا مش

عارفة اعمل ايه .. تعاالي بسرعة انتي وعادل ابوس اييدك (وبتعيط بحرقة)

فريدة بلبخة: حا حا حاضر جاية جايين حالا حالا

وقفلت سوزي وهي بتعيط ومش عارفة تتصرف .. وفريدة قالت لعادل ونزلوا

وبعدين وصلوا لبيت سوزي .. طق طق طق

سوزي فتحت وهي منهارة: الحقييني يا فرريدة

فريدة بخضة: اهدي يا سوزي اهدي احنا جبنا الدكتور معانا .. اتفضل يا دكتور

الدكتور دخل وبعد ما خلص كشف: الحمد لله متقلقيش هي بتتدلع مش اكتر
هههه

ان شاء الله هتبقي كويسة عندها برد شديد في بطنها ان شاء الله الادوية دي تديهالها

ومكتوب المواعيد عند حضرتك .. وتجيبهالي كمان 4ايام كده

سوزي بهدوء واطمئنان: ان شااء الله ربنا يكرمك سلام عليكم

الدكتور: وعليكـم السلام .. عن اذنكوا

سوزي بعد ما مشي الدكتور بتعيط: اهئ اهئ مش عارفة اعمل ايه يا فرريدة

عماد مسافر وهييجي بعد بكرة اعمل ايه انا الوقتي

فريدة: متخافيش يا سوزي .. عادل من فضلك تجيب الادوية دي الوقتي

عادل: اه طبعا طبعا

سوزي بدموع: معلش هتعبك يا عادل

عادل: ايه الكلام ده بس .. الكلام ده ملوش لزوم .. انا نازل

فريدة: متتاخرش يا عادل... سلام

فريدة لسوزي: متقلقيش يا سوزي كل حاجة هتبقي كويسة ان شاء الله

سوزي بدموع: ياارب يا فريدة ياارب .. انا داخلة اشوف لومي ياارب تكون
كويسة 

فريدة: يارب يا جميل 

~
~
~
عنايات كانت قاعدة في بيتها بتطبخ وبعدين لقت صوت جرس الباب بيرن

فتحت الباب لقت قدامها الراجل اللي هي ادتله فلوس عشان يعمل موضوع
سمية ده

المهم قالها:اهلااااااا وحشتيني يا ست الكل

عنايات بزعيق: اييه ده ؟! انت ازاي تدخل كده يا حيوااان

الراجل: مقبولة منك يا ستي

عنايات بنفاذ صبر: عاااااايز اييييه ؟!!

الـراجـل: بصـراحـة كــده انا عايز فــــــلــــــــــــــوس

عنايات: هههههه نعم ياخوياا ؟؟ امشي يا روح خالتك من هنا بدل ما اصوت والم
الناس عليك واطلبلك البوليس كمان

الراجل بعصبية: حلووووو ونروح بقي مع بعض ونحكي اللي حصل بس مع بعض

واخدة بالك انتي يا حجة ؟

عنايات بعد ما فهمت: عـ عايز كام ؟

الراجل: هههههه ايوة كده .. كده نتكلم بقي مممممممم عايز 10

عنايات: ثواني هدخل اجيبهالك واجي

الراجل: هههههههه تجيبي ايه ؟؟ اوعي تكوني افتكرتي 10 جنيه انا قصدي 10
الااف ههههههههههه

عنايات: ايييييييه الللي بتقوووله ده انت مـجنووون اطلع بررره يا زفففت انت

ومش عايزة اشوف خلقتك ولا اشوف الوش البومة ده تاني انت سااامع 

عباس بيكلم عنايات :-
********************
عباس: الشحنة هتوصل بكرة وانا جاي كمان ساعتين كده ..

عنايات: ربنا يعديها ع خير .. بقولك يا عباس الراجل ده عايز فلوس تانية وانا
مش معايا

عباس بخضة: ولا انا كمان 

عنايات: بس هو جالي وهددني لو ملقاش الفلوس النهاردة .. هعمل ايه انا الوقتي
بس يااربي 

عباس بسخرية:هه مش دي عملتك برضه اتصرفي بقي يا ام دماغ مليانة انتي

عنايات: ربنا يستر .. سلام يا خويا

عباس: سلام ياختي/ وفي سره( يارب تقفلي ماتتصلي تاني)  

*
*
*
حورية قدام قبر المرحوم صبر .. بتكبي وبتكلمه: صبرري جوزي وكل حاجة في

حياتي .. وحشتني اووي يا حبيبي عايزااك تجيلي بقي انا مش هعرف اجيلك فتعالي

انت والله مش هزعلك تاني انت اغلي حاجة عندي ومينفعش ازعلك تعلالي بقي

ومتسبنيش لوحدي .. ايه ؟؟ انت عايزني اجيلك ؟ لا مش هينفع مش هعرف اجيلك

تعالي انت عشان خطررري 

واحد جاي بيقولها: يا امي وحدي الله .. قضاء ربنا
حورية: مش معترضة يا ابني والله بس الصدمة صعبة عليا اني اتحملها
سلامو عليكو

الواحد: وعليكم السلام يا حجة

~
~
~
مي واميرة علي السرير .. بيتكلموا بعد ماخلصوا شغل :-
**********************************************
مي: ماما وحشتني اوووووووي انا عايزة اجري من هنا واروحلها
واجري ع حضنها 

اميرة بتأثر: الصبر يا ميوية
مي بحزن: لحد امتي ؟ انا تعبت وزهقت . انا ليه بيحصلي كده ليييييييييه ؟؟

اميرة: ربنا عايز كده

مي: وانا ذمبي ايييييه ؟

اميرة: حرام يا مي .. استغفر الله العظيم حرام تقولي كده يا بنتي عييب وحرام

مي: غصب عني

اميرة: متعمليش كده يا مي .. وبعدين هو انتي زهقتي مني ولا ايه بقي ان شاء الله
لااا انا قاعدة فوق دماغك اصلا

مي: ههههههه لا طبعا هو انا اقدر ازعل من اختي 

اميرة: حبيبة قلبي ربنا يكرمك يا ميوية يارب ويحققلك كل اللي بتتمنيه

مي: ميرسي يا ميرووو

اميرة: صحيح يا مي هو انتي عايزة تطلعي ايه لما تكبري ؟

مي بسخرية: هه اطلع ايه بس يا اميرة .. انا مع الاسف معنديش طموح

لان طموحي اتكبتت بسبب الظلم اللي شوفته 

اميرة: والله عندك حق كل اللي في الملجأ هنا واللي في الملاجئ التانية

معندهمش

طموح .. #طموح_مكبوتة بكل المعاني والمقاييس

مي: رغم اني مش فاهمة حبة من كلامك هههههه بس عندك حق في اللي فهمته
ههههههه

اميرة: ههههه كويس انك فهمتي حاجة يا ستي

مي: 

*
*
*
سلمي بنت سوزي بقت كوويسة جدا الحمد لله وحالتها بتتحسن كل يوم في تحسن

يعني .. وعماد رجع من السفر وراح علي الملجأ الجديد وفعلا استلم الملجأ وبقي

ملكه خلاص وكتبه باسم مراته اللي هي سوزي وراحت بس المرادي راحت هي

وسلمي لان سلمي شبطت فيها .. وعادل برضه راح وعمل نفس اللي عمله عماد

بس الفرق انه راح الملجأ القديم .. وفي الملجأ الجديد اللي فيه مي واميرة

سوزي راحتلهم وخليتهم يلعبوا مع سلمي واتصاحبت عليهم وبقوا اكتر من
اخواتها

بس طبعا مش من يوم يعني .. في كذا يوم .. وفريدة كل يوم بتسيب ليان ومحمد

مع حورية وتنزل تروح الملجأ القديم وحبت ندي جداا لان عادي كمان حكالها عليها

قبل كده وندي بقت بتعبر فريدة مامتها اللي ما ولدتهاش .. ومي واميرة بيحبوا

سوزي وسلمي كده واميرة بتعبرها زي مامتها برضه بس مي مش بتعبرها كده

بتعبرها قريبة ليها بس مش اكتر .. لانها ليها ام وعمرها ما هتحط حد مكان مامتها

ابدا حتي لو بالكلام مش بالفعل .. عمرها ما هتقول يا ماما غير لـ فريدة مامتها
الحقيقة بجد ..

~
~
~
****************************************
في الملجأ القديم .. ندي قاعدة مع فريدة في المكتب:-
******************************************
ندي: ومن ساعتها يا #ماما وانا مش لاقية سمية ولا عارفة هي اختفت راحت فين

وسعات بخاف اووي عليها ومش عارفة اعمل ايه ؟ 

فريدة بحنان: مش ممكن يا نوودي انها تكون لقت فرصة هروب وهربت !

ندي: ممكن برضه .. بس مفتكرش لانها كانت هتقولي

فريدة: ممكن عشان عارفة انك رافضة فكرة الهروب دي لانك ملكيش مكان مثلا
تقعدي فيه !!

ندي: لالالا لانها هي كمان ملهاش مكان يا ماما

فريدة: ممممم مش عارفة يا ندي بس جايز يا حبيبتي الفرصة دي متتعوضش

فقالت تهرب هيا وبعدين تفكر في فكرة تخليكي تهربي معاها بقي

ندي: يارب يكون كده فعلا علي الاقل اكون مطمنة عليها بدل مانا قلقانة اوي كده
بقي 

فريدة: ان شاء الله خير يا روح قلبي .. يلا روحي بقي افطري .. انتي من الصبح

وانتي مفطرتيش وقاعدة معايا .. مجوعتيش ؟ 

ندي: هههههههههه لا مجوعتش .. لاني لما بشوفك يا ماما بنسي كل حاجة
وبحب اقعد اتكلم معاكي

فريدة صعبت عليها ندي جداا وراحت اخدتها في حضنها وهي بتدمع

وقالت: يا حبيبتي .. بس مش هينفع تقعدي من غير فطار كده .. بصي
هقولك انا

انتي تروحي الاول تفطري وبعدين تيجي تقعدي معايا ,,, ماشي ؟؟

ندي: مااشي .. طب ماتيجي معايا ؟

فريدة بحب وحنان: والله فرصة برضه .. خلاص ماشي تعالي نروح بس انتي

هتفطري وانا همر علي باقي السراير والاوض مااشي ؟

ندي: تماام يا ماماا ^^
*
*
*
وفي نفس الوقت .. عند مي واميرة قاعدين مع سوزي في المكتب بس بيلعبوا مع

سلمي من غير صوت وسوزي بتشوف شغلها :-
******************************************************************
سوزي بعد ما خلصت الشغل: تعالوا يا بنات اقعدوا هنا بس هاتوا الكرسي ده

الاول عشان يبقوا 3 كراسي وتقعدوا كلكوا 

مي بفرحة: حاضر يا ابلة

اميرة راحت تشيله وحطته وهي بتقول: اتفضلي يا ماما ^^

سلمي: ماما انا هقعد جمب مي واميرة مش هقعد جمبك 

سوزي ومي واميرة: ههههههههه

سوزي: براحتكـ يا حبيبتي

مي: تعالي يا لومي

سوزي بعد ما قعدوا وخلصوا هزار وضحك: انا عايزة اسألك سؤال يا مي ممكن ؟

مي: اكيد طبعا يا ابلة

سوزي: هو انتي ليه مش بتقوليلي يا ماما ؟؟ كمان انتي الوقتي عندك 9 سنين

والمفرود تقولي ماما لأي حد عشان تحسي بالكلمة دي 

اميرة بدموع: انا محستهاش

سوزي اخدتها في حضنها وقعدتها جمبها وقالت: انا مش قصدي عليكي يا اميرة
انتي بقيتي بتقوليهالي خلاص .. انا بتكلم علي اختك مي

مي: هقولك يا ابلة ... انا معنديس حد زي ماما ابدا ولو كان مين انا بعتبرك قريبة
مني وبعتبر سلمي اكتر من اختي كمان وطبعا اميرة زيها .. بس مش هقدر اقولك
ماما ولا اقولها لأي حد ابدا ,, ياريت يا ابلة متزعليش مني بس انا مش هقدر

اقو حتي مش هقدر اقولك ماما سوزي اصلا .. معلش انا اسفة

سوزي: ياااااااااه يا مي كل ده جواكي .. انتي اتعذبتي كتير اووي يا مي

وبعدين انتي بتتأسفي علي ايه بقي ان شاء الله ؟!! انا كنت عايزة اعرف
بس لا
تكوني بتزعلي او مكسوفة

مي: ههههه لا مش مكسوفة ولا حاجة .. وهزعل من ايـه اصلا ؟!!

سوزي: تزعلي ان سلمي اوميرة بيقولوها وانتي مش بتقوليها لانك
مكسوفة
مي: هههههه لالالا مش كده والله خالص زي ماقولت لحضرتك

سوزي: من غير حضرررتك
مي: دي احترام يا ابلة حتي ماما كنت هقولها كده برضه

سوزي بصلتها بفرح وابتسامة شاكرة ربها ان مي رغم سنها الصغير شوية

بتعرف تتكلم كده وتعبر عن كل حاجة جواها اخدت مي واميرة وسلمي في
حضنها
وهي مبسووطة اووي ..  وبعدين قعدوا يهزروا ويتكلموا في حاجات
عادية
لحد ما سوزي مشت وسابتهم لوحدهم بس كان في بنات كبيرة في الملجأ بس في
الدور اللي فوق خالص فخلتهم يتولوا الموضوع ده لحد ما تجيب مشرفة .
.
فريدة بتعبر كل البنات اللي في الملجأ بناتها ومش بتفرق ما بين ندي
والباقي اووي
بس عندها مجرد احساس ان ندي زي مي وطيبة زيها برضه ^^

وسوزي نفس الموضوع مش بتفرق ما بين حد اووي .. بس حبت مي واميرة

اكتر من كل البنات وخصوصا مي عشان حست انها شبه سلمي وسلمي
حبتها

اكتر كمان من امي بحبة صغننين   رغم ان سوزي لما عرفت اسم مي

اتفاجئـت بس محطتش للموضوع اهمية ( فريدة محكتش حاجة لندي علي
مي ولا
ندي حكتلها حاجة علي مي .. وسوزي برضه نفس الكلام ومي برضه محكتش
ظروفها لـ سوزي بس مش عشان حاجة ,, كل الحكاية الموضوع مجاش مناسبة
عشان يحكوا فيه يعني)
*
*
*
عنايات الراجل كلمها في االتليفون من رقم تاني عشان ترد :-
**************************************************
عنايات: الو

الراجل: وحشتيني والله 

عنايات: هو انت يا زفت

الراجل: متقفليش السكة هاا .. انا عايز فلوسي واديني بقولك اهو اخر فرصة
بكرة الصبح غير كده هزعلك

عنايات: انت بتهددني يا حيووان

الراجل: من غير غلط يا ست .. بكرة الصبح ع الظهر كده هكون عندك تكوني

حضرتي الفلوس ومعنديش كلام تاني غير ده وذنبك علي جمبك .. سلام يا حلوة
عنايات: من غير سلام يا جاموسة 

عنايات بعد ما قفلت: الهي يجيلك ويحط عليك يا زفتتتتتتت اوووووف

هتصرف انا ازاي الوقتي بس يااربي .. هو اصلا جبان وميقدرش يعملي حاجة

ده بيهددني بس وبعدين هو هيروح يعترف علي نفسه برضه مهو مش هيعترف

عليا انا بس !! لانه هو اللي قام بالجريمة برضه .. ايوة انا مش معايا فلوس بقي

وهو مش هيعمل حاجة ويبقي يوريني بقي هيهددني ازاي تاااني 
*
*
*
فريدة بتقول لعادل: عادل هو انا مقصرة معاك عشان بروح الملجأ وكده ؟

عادل: لالا والله خالص يا فريدة وبعدين ماما قايمة معايا بكل حاجة

فريدة: اصل سوزي كلمتني كمان وقالتلي انها لقت بنتين طيبين اووي
واقترحتلي
بنت منهم تبقي مشرفة عندي في الملجأ .. ايه رأيك ؟

عادل: تماام حلو اووي .. خلاص اتصلي بيها وخليها تيجي بكرة واديها العنوان
طبعا
فريدة: اه حاضر 
~
~
~
مي واميرة قبل ما يناموا .. مي قالت لـ اميرة: انا عايزة اخود رأيك في حاجة

وبصراحة خايفة او عملتها يبقي النتيجة مش كويسة ونرجع للأول تاني مع اني

مفتكرش اوي بس خايفة والله جداا

اميرة: قلقتيني يا مي .. اوعي تكوني بتفكري تهربي ولا تقوليلها تهربك ؟!!

مي: لاا اهرب اروح فين وبعدين احنا بقينا كويسين وابلة سوزي حنينة علينا اوي

اميرة: يبقي ايه الموضوع طيب قلقتيني ؟

مي: لا متخافيش هو موضوع مهم بس مش عارفة بقي بصي انا هقولك وخلاص

وانتي قوليلي اعمل ايه ماشي ؟

اميرة: ماشي .. قوليي بقي يا ميوية ؟ خير ؟!! 

مي:................................................................
*
*
*
مع الاسف انتهت حلقتنا لحد هنا النهاردة .. يارب تكون عجبتكوا وانتظرونا

الحلقة الجاية ان شاء الله عشان نشوف ايه اللي هيحصل في الاخر ياتري ؟ 
عايزة اعرف رأيكوا بدون مجاملة بقي 

لـ #اية_حسام

 —